Դադարեցվել է

''Կորվալոլ'' տեսակի դեղահաբը երկար ժամանակ է` հայաստանյան դեղատներում չկա: ՀՀ առողջապահության նախարարությունից ''Ժողովուրդ''-ին պարզաբանել են, որ ՀՀ-ում գրանցված հայկական ''Էսկուլապ'' ՍՊԸ-ի արտադրության ''Կորվալոլ'' դեղահաբի արտադրությունը ներկա պահին դադարեցվել է: 

''Պատճառը դեղի բաղադրիչ հանդիսացող ֆենոբարբիտալ դեղանյութի բացակայությունն է: Արտադրող ընկերության հավաստմամբ` այն մեր երկիր կներկրվի մինչև հոկտեմբերի վերջ, իսկ դեղը շրջանառության մեջ կմտնի նոյեմբերի սկզբին` մոտ տասն օրվա ընթացքում'',- տեղեկացրեց ՀՀ ԱՆ աշխատակազմի դեղորայքային քաղաքականության բաժնի պետ Մարինե Հարությունյանը: Նրա խոսքով` ներկա պահին ՀՀ-ում գրանցված են նաև ''Կորվալոլ''-ին փոխարինող դեղեր` ''Վալորդին-Ֆարմտեխնոլոգիա'', ''Վալոկորդին'' և այլն:

Հարցեր, պատասխաններ, մեկնաբանություններ